Homosexual Elephants - Gay (වල්) අලි....

Homosexuality is refused by most of the communities as they consider it as a sin. In keeping with the Sri Lankan law the homosexuality among men is a punishable offence. But the modern scientific world consider it as one of the three main categories of sexual orientation. Therefore some nations have granted the legal authority for same-sex marriages. 

By the way I'm discussing about the homosexual behaviors in animals today. This is a very common phenomena in animal kingdom. This has been observed in close to 1500 species ranging from primates to earthworms. 

සමලිංගිකත්වය යනු බොහෝ සංස්කෘතීන් විසින් පිටුදකින මාතෘකාවක්. ලංකාවේ නීතිය අනුව පවා පිරිමි සමලිංගිකත්වය බරපතල වරදක් සේ සලකනවා. (නමුත් කාන්තා සමලිංගිකත්වය ගැන දණ්ඩ නීති සංග්‍රහයේ සඳහනක් නෑ මං හිතන්නේ) කෙසේ නමුත් නූතන අර්ථදැක්වීම් අනුව සමලිංගිකත්වය වරදක් හෝ පාපයක් ලෙස ගැනෙන්නේ නෑ. එය සාමාන්‍ය ලිංගිකත්වයේම එක් දිශානතියක් බව දැන් පිළිගැනෙනවා. ඒ හේතුව නිසාම ඇතැම් රටවල් සමලිංගික විවාහයන් නීතිගත කර ඇති අවස්ථාද දක්නට ලැබෙනවා.

ඒ තත්ත්වයන් එසේ තිබියදී අද මම කතා කරන්නේ සත්ත්වයන් අතර දක්නට ලැබෙන සමලිංගික චර්යාවන් ගැනයි. සත්ත්ව ලෝකයේ මෙය එතරම් දුලබ සංසිද්ධියකුත් නෙමෙයි. සත්ත්ව විශේෂ ගණනාවක් අතර මෙවන් චර්යා වාර්තා ගත වෙලා තියෙනවා. උදාහරණ ලෙස, කළු හංසයින්, පෙන්ගුයින් වැනි පක්ෂි විශේෂද, බොනොබෝ වඳුරන්, සිංහයන්, බැටළුවන් ආදී ක්ෂීරපායීන්ද දැක්විය හැකියි. 

ශ්‍රීලාංකීය අලි සම්බන්ධයෙනුත් මෙවන් කතා අපට පසුගිය දිනවල අසන්නට ලැබුණා. කෙසේ නමුත් මේ කයිකතන්දර සනාථ වෙන දසුනක් මීට ස්වල්ප කලකට පෙර යාල ජාතික වනෝද්‍යානයේදි මගේ තෙවැනි ඇසේ සටහන් වුණා. මම දැන් කියන්න යන්නේ ඒ කතන්දරේ........

I came across these two well built young male elephants at Ruhunu-Yala National Park few months ago. These two bulls seem fallen love in very deep. We observed the behavior of this loving couple for a long time. They were feeding grass to each other and twisted the trunks of each other in love. They walked all over the plain slowly rubbing each others body together. Both of their penises were erected all over the time they spent at the plain. Enjoy the photos and video of these unusual lovers. 

මේ හොඳින් වැඩුණු තරුණ අලි දෙන්නා මට මුණ ගැහුණේ යාල අංක 1 කොටසේ දිය කඩිත්තක් ඉදිරිපිට විවෘත තණ භූමියක් තුළදීයි. බැලූ බැල්මට ඉතා අපූරු පෙම් යුවළක් සේ දිස් වුණු මොවුන් දෙදෙනා එකිනෙකාගේ සිරුරු වල ඇතිල්ලෙමින් තණ බිම පුරා නිදැල්ලේ ඇවිද ගියා. 

පාදයෙන් අනිමින් තණපත් ගලවා ගෙන ඒවායේ දූවිලි ගසා එකෙකු විසින් අනෙකාට කවන දර්ශනය අපි මවිතයෙන් බලා සිටියා. දෑසින් නුදුටුවා නම් එය විශ්වාස නොකරන තරම්. 

එකිනෙකාට කවා ගන්නා අලි පෙම්වතුන්....

සොඬ පටලා ගනිමින් සුරතල් වෙමින් බොහෝ වේලා ගත කළ මේ යුවළ ඉන්පසු සෙමින් වනය දෙසට ඇවිද ගියේ අප තුළ මිහිරි මතකයක් ශේෂ කරමින්.

එකෙක් අනෙකාව හිසෙන් තල්ලු කරමින්....

මේ ගැන පසුව මා කළ සොයා බැලීම් වලදී දැන ගන්නට ලැබුණේ මෙවන් අපූරු අලි පෙම්වතුන් උඩවලව ජාතික වනෝද්‍යානයේ බහුලව මුණගැසෙන බවයි. ශ්‍රීලාංකීය පර්යේෂණ කණ්ඩායමක් මේ මොහොතේත් උඩවලව ජාතික වනෝද්‍යානයේ රැඳී සිටිමින් මේ පිළිබඳ පර්යේෂණවල නියැලෙනවා. මේ සංසිද්ධිය පිළිබඳව ඔවුන් තවමත් නිශ්චිත නිගමනයකට එළඹ නැති අතර මෙවන් හැසිරීම් වල වර්ධනයක් මෑත කාලයේ දක්නට ලැබෙන බව පැවසුවා. ඇතැම් වැඩිහිටි අලින් කුඩාවුන් කෙරේ තම ආධිපත්‍යය පැතිරවීමේ ක්‍රමයක් ලෙසද මෙවන් හැසිරීම් යොදා ගන්නා බව අසන්නට ලැබුණා. මෙ‍ම කණ්ඩායමේ පර්යේෂකයෙකු පැවසුවේ මොවුන් අතර මෙවන් ප්‍රේමාලිංගන විනා වෙනත් ආකාරයක ලිංගික හැසිරීමක් තමන් නිරීක්ෂණය නොකළ බවයි. 

සම්මත අසම්මත භාවයන් කෙසේ වෙතත් මේ චමත්කාරජනක 'අලි ප්‍රේමය' මා දුටු අපූර්වතම දර්ශනයක් බව නොකියාම බැහැ. පහත කෙටි වීඩියෝ දර්ශනය නරඹා ඒ බව පසක් කර ගන්න.

Chasing liberty (ring-tailed civet cat) - නිදහස සොයා....

Ring tailed civet - Viverricula indica

It was a bright Sunday evening. Time was about 4.30 pm. I was wandering in my compound seeking a good opportunity for a photograph. I used to bring my camera always while I'm walking in the garden. This habit offers me golden opportunities. (I hope to post them in the future) Suddenly I heard the barking of a herd of dogs....

එදා ඉරිදාවක්. සවස් වරුවේ මම මිදුලට බැස්සේ කැමරාවත් අරගෙනමයි. සෙනසුරාදා-ඉරිදා නිවාඩු දවස් දෙකේ මගේ රාජකාරිය කැමරාවත් අරගෙන මිදුලේ කරක් ගහන එක. (අපේ වත්තේ සමනල්ලු, කුරුල්ලෝ හරියට ඉන්නවා. ඒ ගැන මම ඉදිරි ලිපියකින් කියන්නම්) මේ පුරුද්ද නිසා මම ලබපු අවස්ථා අසීමිතයි. ඉතින් එදත් මම ගස් උඩ බල බලා ඇවිදිද්දි... බලු රෑනකගේ බිරීමක් වත්ත පල්ලෙහායින් ඇහුණා.

Then I ran to see what was happening there. A small and unusual animal was being chased by the dogs. It ran here and there like a blind one. I tried to managed the situation by pitching stones at the dogs. A neighbor also came to help me. Meanwhile the strange animal managed to go inside some logs collected at the corner of the wall and stuck inside.

බල්ලන්ගේ බිරීම් වලට අමතරව තව සතෙක් අමුතුවට පිඹින හඬකුත් ඇහුණා. මම වහාම වත්ත පහළට දිව්වේ මොකද වෙන්නේ කියල බලා ගන්න. මෙන්න බොලේ ජීවිතේට නොදැකපු අමුතු, පුංචි ස‍තෙක් වට කර ගත්තු බලු රෑනක් ඌව කන්ට තනනවා. පොඩි උනාට ඌත් ‍ගේම අත අරින්න ලෑස්ති නෑ. දත් විලිස්සගෙන, ගොරවමින් හිටපු උගේ ස්වරූපය දැක්කම මගේ හිතත් ටිකක් ගැස්සුනා. බැලූ බැල්මට මට හිතුනේ මේ හඳුන් දිවි පැටියෙක්ද (Fishing cat - Prionailurus viverrinus) කියලා. නමුත් මේක අසමාන සටනක් බව පැහැදිලිව පෙනුනා. පොඩි එකාට කොයි තරම් ධෛර්යයක් තිබුණත් බල්ලො 10ක් 15ක් එක්ක සටන් කරන්න  ඌ ට පුළුවන් කමක් නෑ. මමත් වහාම කැමරාව කරේ එල්ලගෙන බිම අතපත ගාලා ගල් අහුලගෙන බල්ලන්ට ගහන්න ගත්තා. (ඒ වෙලාවේ පොඩි එකාගේ ජීවිතේ ගැන මිසක් photo ගන්න සිහියක් තිබ්බේ නෑ) යන්තම් මේ කලබලේ ඇහිල ආපු අල්ලපු ගෙදර අයියගෙත් උදව්වෙන් බල්ලො ටික ටිකක් ඈතට පන්න ගන්න පුළුවන් උණා. මේ අතරෙදි අර පුංචි සතා ළඟ තිබිච්ච ලී කොට ගොඩක් අස්සට රිංගා ගත්තේ ජීවිතේ බේර ගන්න වෙන්න ඇති. නමුත් අවාසනාවක මහත! කලබලේ ලී කොටන් අතර රිංගපු මේ අසරණයා ලී ගොඩේ තදින් හිර උණා. ඉහත ඔබ දැක්කේ ඒ සංවේදී ඡායාරූපය......

ඉතින් අපි දෙන්නා එකතු වෙලා ඉමහත් පරිශ්‍රමයක් දරලා (තේරෙන බාසාවෙන් කිව්වොත් මාර ගේමක් දීලා) මේකාව පොඩි බකට් එකකට අල්ලා ගත්තා. 

බකට් එක ඇතුළේ....

We had the responsible of the life of this little creature. Then we decided to capture it any how. This was little bit a risky decision as the animal was very angry. It was roaring and rumbling. We were able to capture the animal and put it in a bucket after a few  minutes effort. I publish those pictures at Lakdasun web forum and they helped me to recognize this creature.(Thanks Lakdasun guys!) It was a juvenile ring tailed civet.(Viverricula indica) This one is totally a nocturnal animal. (That was why I had never seen this chap before in my garden.) This creature inhabits throughout the country.

Then I tried to make a call to the regional office of Wildlife Conservation Department to get further help for the betterment of this animal. Unfortunately I couldn't get any help from them as it was a holiday evening. (No one answered the phone) So, I decided to keep the animal at my home until the midnight and release it into its natural habitat. (They can save their life in the night from the dogs)

සතාව අල්ල ගත්තා වගේ නෙවෙයි ඊළ ඟ  ගැටළුව වුණේ මේකා හඳුනා ගැනීම. මෙහිදී මට පිහිට වුණේ ලක්දසුන් වෙබ් අඩවිය. ඒ අනුව මේ අපරිණත (juvenile) උරුලෑවෙක් (ring-tailed civet-Viverricula indica) බව සනාථ උණා. මෙයා සම්පූර්ණ නිශාචර සතෙක්. මීට කලින් කිසි දිනෙක මම මෙයාව දැක නැත්තෙත් ඒ නිසා වෙන්න ඇති. දිවා කාලයට අක්‍රීයව සැඟවී සිටින මොවුන් රාත්‍රියට ඉතා ක්‍රියාශීලීයි. 

මේකා කෙසේ හෝ බේරා ගත්තත් ඊළ ඟ  ගැටළුව වුණේ මේකාට මොකද කරන්නේ යන්නයි. උපදෙස් පතා ප්‍රාදේශීය වන ජීවී කාර්යාලයක් ඇමතුවත් නිවාඩු දිනයක් නිසාදෝ කිසිවෙක් ප්‍රතිචාර දැක්වුයේ නෑ. සමහර විට ඔවුන්ට වන ජීවීන්ගේ වගකීම ඇත්තේ කාර්යාල වේලාවේ විතරක් වෙන්නැති.  වන ජීවීන් වෙනුවෙන් හදිසි ඇමතුම් අංකයක් තිබුණානම් කොයි තරම් වටිනවද? සත්තුවත්තට මේ අහිංසකයා බාර දෙන්න නම් මං හීනෙන්වත් හිතුවෙ නෑ. අන්තිමට මම තීරණය කළා ගොඩක් රෑ බෝ වුණාම  ඌ  උගේ රාජධානියටම මුදා හරින්න. රාත්‍රී කාලයේ  ඌ  ආරක්ෂිතයි කියලා මං දැනං හිටියා. යන්තම් කළුවර වැටෙද්දී මම සතා සහිත බකට් එක ගෙට ගත්තේ වැඩි ආරක්ෂාවට. ඌට බොන්න කිරි පීරිසියක් තිබ්බත්  ඌ  ඒක දිහා ඇහැක් ඇරලවත් බැලුවෙ නෑ.

මට මොන කිරිද යකෝ-මට යන්න දීපං..

I placed a dish of milk inside the basket but it ignored. I kept the bucket inside my room for the protection of the animal at the dusk. It became much more active as the night grows. It was there inside the bucket very calm in the daylight but now it looked very feral at the night. Suddenly it jumped over the bucket and started running all over the house. All my family members horrified and started yelling. It was really a critical situation. I needed to protect my family from the bite of angry animal. It ran all over the house and entered to the bathroom. It couldn't run inside it as it was slippery. And then that was my moment and with the help of my uncle I could capture the creature again to a sack. Then we carried the sack into the place where we have found it and released. It was vanished in seconds into its territory. 

රෑ වෙන්න වෙන්න බකට් එක ඇතුළේ හිටී සතාගේ දැගලිල්ල වැඩි උණා. දවල් කාලේ පූසා වගේ හිටිය මේකා රෑ වෙද්දී ප්‍රචණ්ඩ වු‍ණේ හිතා ගන්නත් බැරි විදිහට. ගතවුණේ සුළු මොහොතයි. එකවරම බකට් එක පෙරළගෙන එළියට පැන්න උරුලෑවා ගේ පුරා දුවන්න පටන් ගත්තා. මං හිතන්නේ ඒ වෙලාවේ අපේ ගෙදරින් පිට වෙච්ච මර විලාපේ අහළ ගම් හතකට ඇහෙන්න ඇති. හැමෝම අතට අහු වෙච්ච පුටු මේස වලට නැගගෙන විලාප දෙනවා. මේකාත් "හෑස්, හෑස්" ගගා ගේපුරා දුවනවා. අන්තිමේදී මේ මහා ධාවන තරගය නිම වුණේ මූව බාත්රූම් එකේදි අපට කොටු වීමෙන්. මාමයි මමයි දෙන්නත් එක්ක උරුලෑවා අල්ලලා ගෝනියක දාගත්තා. රෑ 12ට විතර අපි ඌව උගේ රාජධානියට නිදහස් කළා. ඇසිපිය ගහන වේගයෙන් ඌ අඳුරේ නොපෙනී ගියේ ක්ෂණයකින්.

Warning: you must be very careful when handling these types of animals as they could be Rabies infected.

අවවාදයයි. මෙවන් සතුන් සමග කටයුතු කිරීම ඉතා ප්‍රවේසමෙන් සිදුකළ යුතුය. මන්ද මොවුන් ජලභීතිකා රෝග වාහකයන් විය හැකි බැවිනි.

A dialogue with the nature - සොබාදම සමග කතිකාව

Nature is something to appreciate. If you are vigilant enough you will be able to discover how majestic is the nature. There are lot of beautiful things even around you. Look closer at them. Even a little creature like an ant has its unique behavior. In my blog I try to reveal the unseen beauty of nature.

සොබාදහම කොයිතරම් පුදුමාකාරද? ළං වෙලා ඉවසිල්ලෙන් බැලුවොත් ඔබ මින් පෙර නුදුටු සුන්දර දර්ශන රාශියක් ඔබ අවටින්ම හොයා ගන්න පුළුවන්. මගේ මේ මුල්ම ද්වි-භාෂා බ්ලොග් අඩවියෙන් මම උත්සාහ කරන්නේ නිතර අවට පරිසරයේ අපට ඇහැ ගැහෙන ඒත් අපි එච්චර උනන්දුවක් නොදක්වන සුන්දර දේ ඉස්මතු කරන්නටයි........

It's not needed to have modern equipment to capture stunning photos of eye-catching moments of nature. Only thing you need is the patience. A practiced eye could see the marvel of your surrounding.  Photographing nature adds patience to some one's life.

'Nature Photography'  කිව්ව ගමන් ගොඩක් දෙනා හිතන්නේ සුපිරි උපකරණ ගැන. නමුත් සුපිරි උපකරණ නැතත් ඔබට ටිකක් ඉවසීම තියනව නම් මේ වැඩේ අමාරු නෑ. මම මෙහි post කරන හැම photo එකක්ම ගත්තේ, Nikon Coolpix p60 සහ Canon SX10 කැමරා දෙකෙන්. (ඒ දෙකම point & shoot compact camera බව දන්නෝ දනිති.) මුල්ම දේ ඔබ ඔබේ පරිසරයට සංවේදී වෙන්න. කුරුලු ගීතයකට, සුළං හමන හඬට, ගහක කොළක සිරිසිරියට ඇළක දොළක සිලි සිලියට සවන් දෙන්න. අන්න එතකොට සොබා ධර්මය ඇගේ සැබෑ සුන්දරත්වය ඔබට පෙන්වාවි. ඈ ටිකක් ආඩම්බරයි.ඇගේ සැබෑ සුන්දරත්වය ඈ හැමෝටම පෙන්වන්නේ නෑ. හැබෑවටම පරිසරයට ආදරය කරන සංවේදී සොඳුරු මිනිසුන්ට ඈ ඉතා ලෙංගතුයි......


අවට පරිසරයේ මා දුටු සුන්දර දසුන් ඔබ සමග බෙදා ගන්නටයි මගේ බලාපොරොත්තුව. නිකම්ම photo විතරක් නෙමෙයි, ඒ photo එකේ පසුබිම, ගත්තේ කොහේදීද? ඉන්න සතාගේ නැත්නම් දර්ශනයේ විශේෂතා මේ සියලු දේ ඉදිරි posts වලින් කතා කරන්න මම බලාපොරොත්තු වෙනවා. මේක මගේ පළවෙනි උත්සාහය. ඒ නිසා මගේ වැරදි අඩුපාඩු පෙන්නලා දුන්නට තරහා නෑ....


එහෙනම් අලුත් පෝස්ට් එකකින් හමු වෙමු.


I wish to share my experience related to nature photography here. Not only the photo but also the background, where I have taken this and what is the creature or scenery appearing here. I warmly welcome your comments as this is my very first effort on blogging.